姚焯菲與fans除夕倒數 吳業坤自稱小菲象驚喜現身

呢晚Chantel喺台上同fans玩緊遊戲嗰陣，司儀就突然介紹一位支持咗佢好耐嘅fans出場兼同大家倒數，原來呢個神秘忠粉係坤哥吳業坤，Chantel見到對方出場都相當驚喜，至於坤哥就話冇見對方一年，估唔到佢高咗咁多呀。

事後Chantel話事前完全唔知坤哥會到場，仲話聽到司儀咁講，以為真係一位忠實fans，點知行出嚟嗰個竟然係坤哥。至於坤哥就話冇見Chantel一年，覺得對方高咗好多，笑言自己好似一個Uncle見到個細侄女嘅感覺，Chantel聽到即時問坤哥自己係咪瘦咗好多？向來求生意欲滿燈嘅坤哥，就話：「你都冇肥過，唱歌都好穩陣，輕快歌慢歌都拿捏到，好犀利。」氹到Chantel好滿意咁笑住點頭呀。

雖然係除夕夜，但因為要工作，所以坤哥只好掉低太太一個喺屋企，問到2023年係咪要努力造人？坤哥打趣咁話：「努力搵奶粉錢係咪？我講做Gym嗰啲奶粉。」之後先正經咁答，話未同太太傾過呢個問題。至於講到2023年願望，Chantel就話想做嘅嘢就去做，最重要係開心同健康，面坤哥就話希望啲樂迷可以重新接納返佢，咁佢就好滿足喇。

網民點睇？

Chantel 表現很好，已經做到淡定當主角，快歌兼密歌詞都完全駕馭到，很有嬌俏青春氣息，越來越期待小公主菲菲接下來既新作品💝💖💗💓

Chantel 勁叻女，唱歌一次進步過一次，無論快慢歌都拿捏得好好. 希望新一年身體健康，學業進步。❤❤❤

支持小公主，學業進步，身體健康，事事順利🥳🥳