StarTalk丨王嘉爾自揭DM鄧麗欣獲冷淡回應 直言40歲未脫單會出po求…

舉行自己人生第一個巡迴演唱會，Jackson話因為自己有7至8年都係以一個團隊嚟工作，雖然單飛活動都有3至4年，但因為都冇一個屬於自己嘅演唱會，所以今次有機會舉行個人世界巡迴演唱會，令自己心情相當激動。

Jackson又話雖然一直都喺籌備狀態，但自己要去到上台一刻，先真正感受到呢個係自己嘅第一個騷。由於只得兩個幾月時間去籌備，無論係Rundown定係搵人合作，Jackson都有份參予其中，佢笑言成個過程好似一場惡夢咁，但上到舞台見到觀眾之後，就由惡夢變成雞皮疙瘩嘅感動感覺。

一直以嚟都專注喺音樂事業上嘅Jackson，就話希望今年可以嘗試向電影方面發展，佢仲透露以前一直唔接拍電視劇同電影嘅原因，係因為覺得自己冇學過演技，所以過去幾年Jackson好努力咁裝備自己，好似去學武術、打筋斗咁，直到今年佢終於覺得自己係時候可以去面試。

講到想試嘅角色？Jackson竟然話自己完全無信心拍愛情片，仲話自己人生淨係睇過一套愛情片就係《十分．愛》，因為自己真係好鍾意Stephy鄧麗欣。不過問到如果有電影可以同Stephy做情侶會唔會拍時，Jackson就即時怕醜仔上身話唔好搞，佢仲分享咗一個小秘密，就係當年佢同朋友講起《十分．愛》呢套戲，仲同朋友研究Stephy有冇IG，點知一搵之下就發現Stephy竟然follow緊自己，Jackson話當下自己激動咗好耐，之後佢仲有DM返Stephy話自己係對方嘅超級fans，當阿盈好興奮咁追問Stephy有冇覆佢？點知Jackson就話：「佢覆『HAHA』」，令到阿盈都忍唔住大笑，無奈嘅Jackson即話：「都算覆啦！你仲想點呀！」

訪問中途，Jackson竟然做主持後問返阿盈，要佢喺咁多齣TVB嘅劇入面，揀最鍾意嘅一套，之後又分享返自己最鍾意《棟篤神探》同《男親女愛》，又話自己好鍾意黃子華同林敏驄，就連早前熱播嘅《下流上車族》佢都有睇。

作為公眾人物，有時會因為一啲情況而得失部份fans甚至失去咗佢哋，Jackson就話唔係得唔得失嘅問題，而係原則嘅問題，佢又話有時佢分享自己觀點嘅嘢，就係佢所信嘅事，加上自己係一個表演者，責任係令大家歡樂，所以佢覺得自己冇咩資格去判斷任何事物，佢只係純粹分享個人觀點。

訪問入面Jackson仲同阿盈玩咗快問快答，入面佢透露咗自己好想拍拖，但係現實生活中因為工作太忙而令佢有呢個機會，Jackson又搞笑咁話而家拍拖會隨緣先，可以到佢35歲或者40歲嘅時候佢真係搵唔到另一半，就會喺IG出post叫大家幫幫手。

節目尾聲就當然有彩蛋啦！阿盈準備咗兩份禮物送畀Jackson，當中仲有神秘嘉賓現身，不過我咪就同Jackson夾埋同呢位神秘嘉賓開咗個小玩笑，想知係咩嘅，即使click入去睇完整版訪問啦！

網民點睇？

真誠，率直，幽默，親切，不造作，反應靈活…..十分期待Jackson 香港演出❤️❤️❤️

Hilarious…Jackson is so so funny !! He’s more than just a singer or an artist if you know more about him, he’s all-rounded. Looking forward to his concert being held in HK someday, and would love to see his movie debut in the near future. Please check his latest album ‘Magic Man’ on youtube, you will be amazed by his songs and MVs. Thank you TVB for having him!!

Jackson真係好得意講粵語古古怪怪,唱國語歌又獨特英文歌又能夠咩風格都唱到,真係獨一無二.