ANSONBEAN加戲傷手患小六病? 陳海寧享受被兩男爭奪

Viu1HK報導：Isabella陳海寧喺ViuTV新劇《殺手廢J》入面，飾演殺手公司嘅聯絡專員Chloe，佢唔止要唱歌仲會有大膽演出，而ANSONBEAN陳毅燊就做Chloe嘅師父阿政，係個「正義魔人」，為咗徒弟甚至同Peter陳湛文大打出手，Isabella話收到劇本最期待就係呢場戲，有兩個男人為佢格鬥喎，當然好爽啦！Isabella之前同Mike導合作拍綜藝，已經feel到成個團隊係幾咁搏命，今次第一次拍長劇，Isabella都好佩服佢哋，願意為想做嘅事付出一切；ANSONBEAN都覺得無制限團隊好用心，希望之後有機會合作拍綜藝挑戰極限。ANSONBEAN本身就有強勁嘅舞蹈底子，拍劇時輕鬆應付連場動作戲，佢好多時都親身上陣，不過有場戲就唔小心𠝹傷手，Isabella搞笑話拍檔精力充沛直頭係有小六病啊！