TVB Plus《直播靈接觸》紅衣女鬼真身大揭祕 彭翔翎化身最受歡迎靈異角色
從校花到螢幕上靈異角色
彭翔翎在年僅15歲時就已經展現出她的明星潛質，當時她參加了一個雜誌舉辦的校花校草選舉並成功進入四強。2018年，她加入了無綫電視藝員訓練班，從此開始了她的演藝生涯。翔翎在演藝道路上挑戰了多個角色，包括一些智力有問題的角色。「其實我係一個好奇怪嘅人，你叫我演正常人反而非常困難。演吸毒、智障或者有問題嘅人，對我嚟講係好ENJOY，好易發揮。所以今次做鬼我都係覺得係非常ENJOY嘅事。」
演繹女鬼獨特體驗
在《直播靈接觸》中，翔翎首次試鏡「紅衣女鬼」是因為她對這個角色感到好奇，加上她之前有在主題公園「哈囉餵」活動中扮演過鬼的經驗。「監製話果到有個井，你係中式女鬼，你會點做？即時要做，我答我會選擇比較慢，有啲動態鬼，有啲靜態鬼，而中式喺我角度係靜態鬼，所有嘢都要慢，要有陰深嘅感覺。」儘管在節目中她沒有任何對白，翔翎仍然認真研究演繹方法，以求達到更好的效果。「如果係第一集有留意嘅觀眾就知，我由一坐喺凳開始，就已經諗有啲咩可以加落無咁悶。因為無理由一個鐘節目，隻女鬼淨坐喺到，無嘢好睇。所以就算我原地坐喺到，我都會原地轉。後期有梳頭，會捕捉啲機位，因為其實我睇唔到嘢，啲陰遮到鼻果到，我喺啲罅度睇，一FEEL到個SHOT一落嚟，我就做啲動作，捕捉邊啲位會好啲。監製都有再教我點中式啲，成個團隊一齊合作，令件事更加好。」
面對恐懼與新機會
儘管翔翎在演出中展現出了極高的專業素質，她坦言自己其實是一個非常膽小的人。「其實我好細膽！拍果陣成日都好驚，尤其片頭需要我一個人企在板後面，所有人同CAM都喺前面，那怕只是30秒都寒，但頂硬上。其實都好有安全感因為頭髮遮住哂，咩都睇唔到，好快就過去。」她的努力和專注也為她帶來了新的機會，當節目公開她的身份後，她被問及是否有信心擔任主持人時，她雖然感到緊張，但也認為這是一個不可多得的機會。「真係無信心，因為始㚵未試過做主持，自己之前做嘅角色，都無咁多嘢講，主持人畀我感覺係好多嘢講，KEEP住帶動氣氛，但我知道呢個係一個好機會，會盡我能力去嘗試。」
