《全民造星V》參賽者多翻版明星臉 Dee哥與大律師Aaron相似度爆錶‍…

《全民造星V》今日舉行記者會，87位參賽者首次見人，導師陳健安、陳蕾同韋羅莎大讚今屆質素高，雖然冇爭仔爭到爆粗，但都要呃呃氹氹去爭奪心水呀！其中不乏明星臉參賽者，以21號「翻版Tyson」王瑞銘同2號「翻版小方」Nathan魏念恩最高汁，前者仲自爆唔漂頭髮時似MC張天賦，加埋兩個酒粒仔，真係姐姐不行了！Nathan就識自彈自唱，仲獲導師大讚係「有故事的人」，佢就大賣關子叫大家睇節目，但強調唔係飽受情傷。至於最爆笑嘅莫過於係98號「翻版Dee哥」Aaron梁浩朗，佢自爆同真Dee哥見面後，驚覺兩人似到震撼，身為大律師嘅佢，自認口才了得，相信可以搶分！

香港代表1號王鋒同99號KC黃家灝獲欽點表現跳舞，相當吸晴！王鋒曾被指似韓星Rain，跳得兼唱得；KC就話女友Win Win冇畀貼士，希望女友幫佢排舞當支持。而63號盧思睿否認同Marf拍拖；年僅17歲嘅4號王諾言仲退學玩音樂添！

此外，馬來西亞代表45號鄭如川表演唱歌時技驚四座，獲肥仔點名力讚嘅佢，仲識作曲填詞，仲帶幾分ERROR式搞笑天份。而52號Ash盧信宥同教主Anson Lo有幾分相似，仲參加過內地選秀節目，跳唱能力早已備受肯定。北美參賽者9號香胤宅資歷超深，喺紐約做跳舞老師，同54號黃哲一樣獲Lokman睇好；而18號Owen賴天恩就被揭係富家子弟。

網民點睇？

參賽者都幾搞笑😂性格好好👍🏻🔥期待睇你哋嘅表演❤❤

Dee 大律師把聲幾好聽，講嘢好流暢，律師即係律師😅

今年質素係好高, 高過做星一個班, 所以真係要好好搵到代表香港的就更好

翻版肥仔隔離都少似Lokman😂

Aaron靚仔過Dee Gor，做律師又叻仔。

訂閱 Viu1HK YouTube Channel: https://bit.ly/3lYFNLW

觀看更多精彩內容：https://www.viu.com