伍富橋羨慕周吉佩有仔女撐場 羅毓儀預告下月推出日系搖滾新歌
無線娛樂新聞台報導：周吉佩喺《中年好聲音》奪冠後，呢日同吳業坤、Alvin伍富橋、羅毓儀、林沚羿、Aster劉芷君出席音樂巡禮活動。吉吉席上首次獻唱新歌《你是我唯一的》，吉吉話首歌都係早幾日前先收到份歌詞，仲未正式錄製就率先喺活動上獻唱，所以吉吉話呢日表現嘅心情，仲緊張過當日決賽嗰陣呀。
呢日劉芷君、林沚羿、坤哥同Alvin都分別獻唱新歌，當Alvin見到吉吉一對仔女同太太喺店下幫吉吉打氣時，就令Alvin相當羨慕，仲即時向吉吉請教育兒經，但就畀大家誤會Alvin已經做人成功，令佢要急急澄清呀！
講到第一首個人單曲係sweet爆嘅情歌，現年15歲嘅Aster就話錄嘅時候好靠幻想，諗住如果自己鍾意嘅男仔都鍾意返自己會係點。佢又話聽到同場嘉賓喺台上分享戀愛經歷時，令到自己都對戀愛有所憧憬，仲話覺得戀愛可以令人心情開心係好事，不過而家自己就要兼顧學習先。而首次Live演繹新歌嘅林沚羿，就話自己心情相當緊張呀。雖然呢日羅毓儀未有獻聲，但佢就透露下月幾會推出日系搖滾feel嘅新歌，仲話到時仲會拍片教fans新歌入面句日文係點唱呀！
網民點睇？
支持吉吉❤
吉吉新歌好好聽🎉
希望吉吉珍惜機會，繼續努力，支持你💪🏻
即刻Follow TVB 娛樂新聞台 Facebook專頁 https://www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
