與鍾柔美出席元旦活動 姚焯菲承認將遠赴新西蘭升學
Chantel姚焯菲同Yumi鍾柔美喺元旦日出席商場活動同fans見面兼唱歌，又同小朋友一齊玩遊戲歡渡新年。踏入新一年，Chantel就公開新年大計，佢承認將會暫別樂迷同一眾小菲象，因為佢將會去到新西蘭升學，不過確實嘅起程日子就未定。
呢日Chantel同Yumi都有講自己2023年嘅願望，Chantel就指希望新一年可以健健康康、唱好每一隻歌，每一隻想唱嘅歌、想做嘅事都可以唱到做到。而Yumi都過最重要係身體健康同開開心心，最重要係可以喺唔同嘅活動上見到大家呀。
講到結婚聖誕同新年假後就要重返校園生活，Chantel搞笑咗話自己完全唔記得要返學，而Yumi就話自己都已經ready好心情，因為過多幾日佢就要考試，所以佢話即時係放假出活動，都會隨身帶住啲嘢嚟溫書，Yumi仲祈求考試可以一切順利呀。
網民點睇？
一定繼續支持Chantel，一邊讀書增值自己，放假又可以繼續唱歌事業🥰💖
支持Yumi，考試加油，DSE順利，身體健康🥰🥰 唱跳一流，唱抒情歌夠感情又多才多藝，繼續磨練出多啲好作品，唱多啲好歌💗💗品學兼優又成為係全能女歌手😊
Chantel 嘅魔法歌聲創造奇蹟驚喜交集《難道我還未夠難》《月球下的人》《Dear My Friend》，喺👸暫別歌壇，沉潛養晦呢段時間，將成為佢日後成功嘅基礎
撰文：OS編輯部圖片來源：Youtube@TVB娛樂新聞台
