容祖兒新歌MV改編真人真事 Kenny林子博陳振華無私分享
天后容祖兒日前為百老滙拍攝全新網上廣告《造就更好》，與客戶合作多年 嘅祖兒，今次以三段香港人嘅真實故事，帶出於逆境中都可以自強不息、互相鼓勵嘅訊息，非常有意思！
撰文、圖片：東方新地
容祖兒MV打頭陣 Kenny關智斌分享心路歷程
第一段真人真事嘅主角，正正係祖兒老友Kenny關智斌嘅自身經 歷，Kenny回想當初由本來有機會跟多年拍檔踏足紅館，到後來演唱會取消，心情跌至谷底，以為與夢想擦身而過之時，突然傳來好消息，最終以個人 名義開個唱圓夢。提醒大家只要帶著夢想做人，努力奮鬥，必會成功。
林子博雙重打擊 失業+太太患重病但不放棄
而第二段真人真事嘅主角，就係早前被電視台解僱嘅林子博，失業加上太太患重病，雙重打擊令佢曾經一蹶不振，但佢堅持不放棄並重拾志氣，最終得到新嘅演出機會。
印度裔演員陳振華 為圓夢一人身兼多職
至於第三段奮鬥經歷係關於土生土長嘅印度裔演員陳振華，多年來為追逐演員夢，就算受盡百般欺凌，甚至一人身兼多職，一邊做搬運工人養家，一邊兼顧幕前演出，都未有放棄，最終嶄露頭角獲觀眾認同。配合埋祖兒嘅演出，短短3分鐘嘅故事，細膩感人。
圖片來源：ok
