新聞女王

新聞女王｜華姐車婉婉強勢回歸，與阿佘默契展現，重返SNK有何目的？

wp
東方新地

由無綫與優酷聯合製作，謝穎、鍾澍佳總監製、關文深監製的台慶劇《康業信貸快遞呈獻：新聞女王》，逢周一至五晚八點半翡翠台播映，主要演員包括佘詩曼、馬國明、李施嬅、高海寧、王敏奕、何依婷、鄧智堅、譚俊彥、龔慈恩、吳業坤、車婉婉、何廣沛及林正峰等。

新聞女王 車婉婉呢個戰地記者造型獲讚傳神，而佢嘅主播 Tone 亦都好神似，佢受訪時坦言都有喺屋企邊睇新聞、邊開聲不停練習。（圖片來源：TVB）
車婉婉呢個戰地記者造型獲讚傳神，而佢嘅主播 Tone 亦都好神似，佢受訪時坦言都有喺屋企邊睇新聞、邊開聲不停練習。（圖片來源：TVB）

昨（13 日）晚焦點落在車婉婉客串飾演的 SNK News 前台柱主播華姐身上。之前以 Man 姐手下敗將身份閃現回憶片段的華姐，昨晚獲方太（龔慈恩飾）欽點回歸 SNK News 免 Man 姐一人獨大；而華姐亦似乎對 SNK News 副總監一職虎視眈眈，誓要與 Man 姐一爭長短。以勝利者姿態回歸的華姐，一出場即霸氣盡現，眼見 PM（吳業坤飾）遲到，華姐一輪嘴訓示：「做新聞準時已經係遲到，係要早到做好準備功夫，你遲到仲大模斯樣彈入嚟咩態度？」、「小姐都唔識得稱呼一句？依家新聞嘅水平真係跌到落谷底」、「做新聞唔容許唔小心，我哋追求 Precision！精！準！」

新聞女王 華姐一出場經已霸氣盡露。（圖片來源：TVB）
華姐一出場經已霸氣盡露。（圖片來源：TVB）

之後華姐與 Man 姐正式交鋒，二人先以凌厲眼神及饒有深意笑容過招，等到正式開會時華姐才真正「嚟料」：「阿 Man 呀，我哋呢啲 Old School 人，用慣紙同筆架，同我印個 Hard Copy 吖，A3 喎」、「地皮呢啲有乜好報？新聞依家點解唔好睇呀？因為缺乏國際視野」、「佢哋（觀眾）要乜我哋就畀乜咩？做雞呀依家？我哋係新聞工作者我哋負責帶領觀眾、教育觀眾嘅。」當華姐說到「做雞呀依家」，一直在旁食花生的飛爺（鄧智堅飾）及佐治（馬國明飾）即時九秒九對望再忍笑，飛爺更笑到要大力抿嘴唇死忍，相當抵死！而華姐要求 Rundown 要 A3 Size 上亦掀起不少熱議。

新聞女王 華姐係咁啄住 Man 姐，一句：「佢哋（觀眾）要乜我哋就畀乜咩？做雞呀依家？」戲內戲外都引爆咗笑彈。（圖片來源：TVB）
華姐係咁啄住 Man 姐，一句：「佢哋（觀眾）要乜我哋就畀乜咩？做雞呀依家？」戲內戲外都引爆咗笑彈。（圖片來源：TVB）

與阿佘合作過程是享受：日日開工都好期待

車婉婉昨晚一出場即贏盡好評，網民大讚她飾演的華姐霸氣非凡、拍得上 Man姐，加上對白句句啜核精警，令網民看得過癮：「車婉婉氣場好勁，華姐呢個角色好啱佢」、「華姐好正，好搞笑」、「戰地記者嗰幕好得，好似記者。」對於網民正評角色，婉婉感激大家支持及欣賞，她笑言沒有刻意為角色經營氣場，只是順著感覺及監製佳導指示去演；談到與阿佘合作，婉婉坦言過程非常享受：「阿佘好戲呀，一路都好期待同佢合作，雖然今次同佢唔係合作好多場戲，但每一場都
好濃郁，所以我每一日開工都好期待。同阿佘演戲過程非常享受，因為大家之間交流得好好，真係好開心好開心。所以今次演出雖然唔係好多集數，但好難忘。」

新聞女王 呢幾吓表情轉換都好好睇吖。（圖片來源：TVB）
呢幾吓表情轉換都好好睇吖。（圖片來源：TVB）

華姐劇中主要 Function 除了對 Man 姐造成威脅，也有不少搞笑位；由於角色太過時，華姐與必須與時並進的新聞部顯得格格不入，不但不會用腳踏提詞機，就連開聲大法也「懷舊」過人，淪為同事笑柄。該幕奇異開聲大法，原來是婉婉的「神來之筆」，她說：「係我自己加落去，因為我臨場覺得咁樣加應該會幾好睇，反正嗰場戲都係話我個角色過時，加呢啲小動作可能令角色再豐富啲。」婉婉又笑言 Man 姐那句「以為自己開 Concert」，也是相應她的設計加進對白中，足見《新聞女王》甚有 Teamwork，婉婉說：「其實場戲係分開拍，我拍咗先，佢哋睇住我拍咗乜再相應回應番。」談到戰地記者造型獲讚神似，婉婉笑言全靠拍攝當日太陽猛烈及夠大風：「我覺得上天有幫我，拍嗰日好曬，曬到我對眼擘唔大，咁啱好襯番科威特嘅畫面。」

新聞女王 有時啲有骨嘅說話，笑住講先至夠殺氣。（圖片來源：TVB）
有時啲有骨嘅說話，笑住講先至夠殺氣。（圖片來源：TVB）

今（14 日）晚一集除了會揭開華姐重返 SNK News 的真正目的，華姐與 Man 姐的惡鬥亦因華姐被 Man 姐找到致命弱點而告一段落…華姐臨走前，將一重要物件交予佐治，相關物件將會成為佐治日後攻擊 Man 姐的最強武器！到底昨晚一集開始已四面楚歌的 Man 姐，之後集數會遇上多少危機？密切繼續留意《新聞女王》…

新聞女王 佢哋兩個呢場對戲雖然短，但已經好有火花。（圖片來源：TVB）
佢哋兩個呢場對戲雖然短，但已經好有火花。（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）
新聞女王 （圖片來源：TVB）
（圖片來源：TVB）

圖片來源：圖片來源：TVB

熱門文章