緣訂今生拍拖5年！朱千雪收半億樓冧嫁
撰文：東方新地 圖片：新傳媒圖片、IG
朱千雪 收半億樓冧嫁
近年掀起一股花旦結婚生仔熱潮，今次幸運兒是2012年香港小姐季軍朱千雪，當年是頂頭大熱更是民選冠軍，但最後卻因首次全民投票死機而屈居冠軍張名雅及亞軍黃心穎之下，事實卻證明朱千雪人美心善，贏姣心穎九條街。朱千雪入行七年零緋聞，零負面新聞為人貼地易相處，圈中好姊妹眾多，就連高層與監製都對她睇高一線，早已穩坐女一之位，不過她求學心重，兩年前重返校園再修讀法律系，為此刻意減產，明顯志不在娛樂圈。
否認奉子成婚
被爆與男友Justin在香港入紙結婚的朱千雪，日前大方在社交網承認好事近，曾表示會完成法律課程後才結婚的她，對於突然結婚被傳是雙喜臨門，她強調自己仍然很瘦，並非有喜，只是男友早在旅行時成功求婚，對的時候遇上對的人，她更大晒早前由閨密岑杏賢操刀，在愛爾蘭取景的婚照。婚照中朱千雪流露出一貫的甜美笑容，不慣面對鏡頭的Justin亦努力配合，看得出Justin真的很疼愛朱千雪。朱千雪出身富裕家庭，19 歲已獲經營五金生意的父親送贈兩個物業，現時手上仍持有三個合共市值約5千萬的物業，當中兩個是住宅單位，一個是工廈單位，可說是「唔憂做」，不過朱千雪卻非常貼地從不揮霍，生活既慳家為人又親民，好學的她用了九個月全速完成兼讀需兩年的傳播碩士課程，兩年前又緊接報讀更費心力的三年制法律博士學位，經過「半工讀」特訓後，其捱得程度更超越人體極限。
雖然雙方都有家底，但朱千雪與Justin同樣愛低調貼地，影婚照也一樣，沒有誇張的禮服，簡單的白色喱士裙盡顯新娘子脫俗的性格。
待嫁新娘朱千雪素顏都咁靚，這日遇上本刊記者採訪，笑住任影唔嬲，同大家分享內心喜悅。
延續Puppy Love
一出世便緣訂今生，只因朱千雪與Justin的媽咪31年前在 同一間醫院生B，兩家人變成世交，而朱千雪與Justin的生日只 相差三日，經常被安排一齊慶祝生日，兩小口子從小就黐在一 起，而當年胖胖的Justin早已對萌爆的朱千雪情有獨鍾，不過 因為早年兩家人分別移民到加拿大及新加坡，天各一方各有各 的生活，大學畢業後朱 千雪與Justin再遇才正式 拍拖。拍拖5年來，朱 千雪要兼顧事業與學 業，與Justin真正相處的 時間不多，因為Justin現 時在新加坡中央醫院的 放射治療部門擔任顧問 醫生，二人聚少離多， 卻更加珍惜彼此。
由加拿大返港的朱母，連日都由朱千雪陪住出入，周日（6月30日）兩 母女約了親友在天后飲茶，朱千雪先讓母親下車，自己再去泊車。
陪母飲完茶，朱千雪拎住盒打包點心離開，食得唔好嘥，難得放暑假冇嘢做，佢嘅節目竟然 係揸車返屋企。
Justin與朱千雪一樣，乖仔又孝順，其父曾是香格里拉集團執行董事，早年在香港開了老牌茶莊「祺棧茶行」，不過Justin卻不靠父蔭，自小已想讀醫服務社會。知情者透露：「Tracy（朱千雪）同Justin絕對係門當戶對，兩家人早已相熟，大家唔需要時間再去了解，佢哋嘅姻緣真係好似天注定咁，Tracy仲好得未來老爺同奶奶心，未入門已經話送層樓畀 佢當結婚禮物，雖然男家已移民去新加坡，但買樓唔一定揀 新加坡，總之預算在5千萬港元以內，任由Tracy決定喺邊度買。現階段Tracy同Justin仲諗緊婚禮點搞，其實兩家人都好易話為，不過Tracy想簡單啲，雖然會喺香港搵律師簽紙，但之後亦可能會去外地行禮，至於擺酒，佢哋喺香港、新加坡同加拿大都有大量親朋戚友，睇嚟都有排搞。而婚 後Tracy同Justin都仲係分開生活先，之後再計劃究竟定居新加坡，定Justin返香港，因為Justin細佬早已返咗香港從 醫，所以Justin亦諗過全家將基地移番香港。」由BB識到依 家，朱千雪與Justin感情深厚，亦背負住兩家人的情誼。
有樣有錢又有修養，朱千雪對住鏡頭 非常友善，更唔介意企街等位飲茶。
容光煥發現身
周日（6月30日）中午，朱千雪載住母親離開小西灣藍灣 半島寓所，前往天后飲茶，準新娘容光煥發現身，遇上本刊 記者上前採訪亦大方接受訪問，提到男友Justin的求婚過 程，戴住約3卡求婚鑽戒的朱千雪咧嘴而笑，流露無限幸 福，她只透露求婚是在旅行中進行，男友有送花有跪地，非 常有誠意，但她愈講愈尷尬，笑言細節不便多談。男友Justin 不在身邊，正在放暑假又冇接job的朱千雪，飲完茶拎住盒 打包點心，獨自揸車返回小西灣寓所，繼續其宅女生活。娶 到Law界女神朱千雪，莫講話回流返香港，就算係要去火 星，相信Justin都會跟去。
朱千雪13年已擔任女一，深得觀眾緣，與王 浩信合作《EU超時任務》，奪得《萬千星輝頒獎禮2016 》「最受歡迎劇集拍檔」，翌年再憑 《踩過界》勇奪《星和無綫電視大獎2017》 「我最愛TVB電視女角色」。此後她刻意減產 鮮有拍劇，更修讀香港城市大學法律博士學位，去年表示有意轉職法律界。
朱千雪：多咗個家庭成員！
記：本刊記者 朱：朱千雪
記：點解咁突然宣布結婚嘅？
朱：哦！都唔係突然㗎喇！都拍咗一段時間，不過因為最近入紙畀傳媒發現，所以先公布，如果唔係我就諗住保密唔講。
記：有冇諗住喺邊度搞呀？
朱：依家計劃緊，都要夾吓大家嘅時間同鍾意嘅形式先。
記：咁會中式定西式？
朱：我諗依家大部人都係西式嘅，不過未特別去諗，睇吓大家想去邊同屋企人有咩意見先再算。
記：媽咪有冇話有咩特別傳統一定要做？
朱：佢冇同我講過喎！
記：咁你媽咪畀你老公仔幾多分？
朱：佢話好高分嘅！
記：係咪因為細細個睇到佢大？
朱：其實個感覺好奇怪嘅！大家已經好熟，雙方阿媽好熟，只係多咗一個家庭成員咁解，又唔係從來唔識佢。
記：男友點求婚㗎？講啲細節嚟聽吓？
朱：我哋去旅行，但係細節就唔使啦，我怕醜呀！哈哈哈！呢啲係兩個人之間嘅開心事，公開講咁多好似好奇怪咁。等我沉澱吓同消化吓先，下次再同大家講。
記：即係有冇送花同跪地呀？
朱：咁呢啲求婚正常都有嘅！總之就好有誠意啦！事前我都唔知。
記：咁未來老爺同奶奶有冇叫你快啲生B，要生幾多個呀？
朱：嘩！唔諗得咁快啦！我自己都未有咁快諗住，我驚生完keep唔到個身形，所以我唔係好敢住。遲啲先諗，等我靚多幾年先。
記：咁結婚使唔使停工？
朱：我依家放緊暑假，之後9月又要繼續讀Law，都係繼續做嘢，對生活冇咩影響嘅！
朱千雪與好姊妹岑杏賢是同屆港姐，入行七年來互相照顧感情深厚，朱千雪要結婚，岑杏賢是伴娘不二之選。
岑杏賢早前飛到愛爾蘭，為朱千雪與Justin拍攝婚紗照。朱千雪在社交網留言︰「為了送我們結婚禮物，她特登飛了去愛爾蘭為我們拍照。七年前一起參加香港小姐後我們第一次出trip 。今次這輯照片非常有意義，由最好的朋友親自操刀，令愛情和友誼都添加了一份美好的回憶。」
除了岑杏賢，朱千雪的索爆姊妹團還有張嘉兒、蔣家旻及湯洛雯，日前更一起為朱千雪慶祝31歲生日。據知她們早知朱千雪的婚事，呢班好姊妹果然口密。
港姐清泉
朱千雪12年參選香港小姐，當年改賽制，由家庭觀眾票選三甲，由 於TVB「冧Server」，最終改由評判選出三甲，她屈居冠軍張名雅及亞 軍黃心穎之下，僅奪得季軍，大批網友為她不值，封她為「民選港姐」。
花旦又少一個
比起近年一齊被無綫力捧的湯洛雯、黃心穎與蔡思貝，朱千雪形象最正面健康，內外兼備的她宣布結婚，一線花旦又少一個。
