李克勤7場港樂騷結束 尾場華仔驚喜任嘉賓

唱住《如果有一天》驚喜現身嘅華仔，仲喺台上講到，自己上次演唱會因為身體不適而忍痛要腰斬，當時唱嘅最後一首歌就係《如果有一天》，所以就有好深感受喇。

去到最後一場，克勤似乎亦相當感觸，佢提到大仔Ryan亦已經15歲，但係日前仲同啱啱18歲嘅 炎明熹 合唱情歌，都唔知點投入好。其實克勤係想表達時間飛快，加上疫情幾年之後更學會珍惜，亦再次多謝台下歌迷支持。

完場後現場歌迷一直大叫「Encore」，克勤亦難抵大家嘅熱情，叫足15分鐘之後再次出場。事後佢仲話自己死忍眼淚，但係期間就爭啲感動失守喇。佢又話開騷係開心事，所以盡量都唔想喊，仲話收禮物利是收到手軟，可能係開埠以來收利是最多嘅歌手呀。

網民點睇？

「人善天不欺 簡單一個道理 怎麼不看透」以前不明白這首歌歌詞的意思，不過二十年後的今天再聽，卻有另一番感受。感謝李克勤先生邀請華仔做演唱會嘉賓，超正❤😊😍🥰

好有氣氛，尾埸，觀眾幸福👏👏👏

克勤一生不變已深入民心

即刻Follow TVB 娛樂新聞台 Facebook專頁 https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0