毒舌大狀｜除夕請港人搭摩天輪 子華預告票房佳請搭潛艇

子華神有份演出嘅《飯戲攻心》成績驕人，至於對新作會唔會一樣有信心，佢就話如果票房成績理想，會請觀眾同市民搭潛艇咁話喎。除咗呢個咁勁嘅提議之外，演員派福利子華就話要由女子組一班靚女負責，男子組就話由型男 柏天男 做代表咁話喇。

子華之後又話到，希望港產片可以重現往日大家爭買飛入場嘅情況，每一部作品都受到大家歡迎同期待咁話。

被賦以重任嘅幾位女演員們，就話一早已經有晒心理準備著泳衣，不過Louise就話要由腳眼開始逐毫米上嚟計數派福利，搞到 楊偲泳 同 廖子妤 笑到收唔到聲呀。而將過往靚女造型完全拋棄嘅Louise，就話希望大家好好欣賞今次佢嘅演出喇。

至於早前公開認愛嘅Fish，就話男友一定會入場支持，而Renci就話親友都會一齊入場支持喎。