渣男始祖北上翻身 54歲走樣溫兆倫回港掃樓

撰文：東方新地 圖片：新傳媒圖片、微博

54歲走樣溫兆倫回港掃樓

半生風流的溫兆倫，三十年前憑劇集《義不容情》走紅，不少人驚嘆當年只有24歲的他，演技收放自如，將世紀賤男演得淋漓盡致，原來戲如人生，現實生活的他感情瓜葛同樣多不勝數，最為人熟知 的，要算是早年同藝人陳梅馨分手，追討女方14萬掟煲費，以及02年拍劇以菠蘿包攻陷索港姐郭羨妮芳心，可惜同時間就被踢爆，同藝能 工作人員潘燕妮（Winnie）已於澳洲秘婚，更同Winnie合資炒樓欠下巨 債，要妻子獨力還巨債，賤男形象令事業插晒水。

以往情債一大籮，同身邊女伴更不乏金錢轇轕的溫兆倫，自從13年娶內地藝人趙庭後，不時在微博放出一家三口合照晒幸福。

洗底變暖男

有指他為避債移居內地，未料到卻令人生大逆轉，先後有過三段 婚姻的他，第三任妻子趙庭，是內地藝人比他年輕二十年，兩人13年 拉埋天窗，15年誕下女兒溫柔美（Anna），從此溫兆倫亦變得修心養 性，風流往事成絕響，更不時在微博晒湊女家庭樂，渣男成功洗底變 暖男。據知情人士透露：「可能真係人到半百，加上又生埋女，Deric （溫兆倫）成個人都變得踏實晒，唔再好似以前咁沙沙滾，鍾意處處留 情，呢幾年佢好努力吸金，做完嘢一定撲返屋企湊女，視個女係佢命 根，佢唔鍾意假手工人湊女，一定會自己落手落腳，所以個女好黐 佢，有咗頭家，佢成日都話要搵多啲錢畀家人生活更舒適。」

同趙庭結婚七年已經過埋七年之癢，溫兆倫仲會不停 冧妻，早前便在微博向老婆送上「愛的宣言」放 閃，暖男表現真係唔怕人睇到骨痺！

已經移居內地的溫兆倫，成功在國內搞房地產及美容生意滾大身家，日前他就趁香港樓市回調，帶同內地老婆趙庭及四歲女兒來港旅遊兼準備入市。

經典劇帶挈

可能真係時來運到，早於04年已經轉戰內地，造就溫兆倫成了較 早一批北望神州的香港藝人，畀人行快一步，又有多部經典劇《義不 容情》、《我本善良》、《今生無悔》等帶挈，加上不時發表愛國言 論，令他機會不斷，他曾在央視訪問中，表示「香港回歸」令他終於有 國家，中國就是他的根云云，近年又不停參與公益活動，成功洗 底。據溫兆倫好友透露：「Deric好識把握時機，喺工作上有機會接觸唔少內地投資者，愛國同健康形象幫佢唔少，大家已經對佢完 全改觀，唔多記得佢以前啲衰嘢！加上佢把口又?過油咁，氹 到唔少人同佢合作。」

太太趙庭入到便利店，第一時間買了一本介紹新 樓盤的雜誌，相信是和溫兆倫一起研究，揀定千萬新盤入市。

行咗一輪，一家三口到Starbucks 飲咖啡抖氣。兩公婆打 開樓盤雜誌研究，更睇到 入晒神，又不時你一言我 一語討論，看來是入市 常客，二人主攻千萬 新樓盤。

愛買磚頭保值

事業上晒軌道，不難發現每隔一兩個月，溫兆倫就有作品 面世，不論內地電影或電視劇都做到冇停手，歌手出身的 他，又不時上綜藝節目唱歌，近期更大搞內地巡唱，除咗娛樂 工作，更涉足內地生意投資，近年大搞房地產及美容生意，又 搞過髮型屋連鎖店，瓣數多多令身家暴漲，現時身家已經過 億，在北京和南京都有物業。據知情人士說：「佢成日都話希望 每處地方都有自己物業，咁去到邊都可以唔使住酒店喎！真係 好大野心，而且佢好早已經識得買磚頭保值，買樓話想留畀屋 企人等佢哋生活無憂，佢得一粒女，將來啲嘢都係留畀個 女，曾經有人問過佢想唔想個女入娛樂圈，佢好決絕話唔 會，因為覺得呢行太辛苦，唔想個女承受呢啲壓力，只想個女 讀多啲書，依家個女喺內地讀緊國際學校，為咗訓練囡囡英 文，平日佢都會用英文同個女溝通！」

一家三口逛街，生女後變女兒奴的溫兆倫，全程負責湊女，對寶貝女 更服侍周到。

溫兆倫抱住囡囡睇狗仔，全程表現溫柔，完全 畀女兒降服。

晒名車炫富

雖然畀嫩妻及女兒降服變愛家男，不過搵到錢溫兆倫狂妄性格又現形，試過在微博大晒多款名車炫富，包括要六百萬人仔先買到的林寶堅尼，及兩百多萬人仔的Benz跑，兩部車折實港元已經成千萬，似足暴發戶的他，晒豪氣之餘仲非常寸嘴：「唔好用羨慕嫉妒的落後形容詞來評論我，如果讓你天天開著它三個小時東奔西跑的話，你就知道什麼是壓力！」即惹來網民攻擊鬧爆，認真自己攞嚟衰。

唔係約埋只係咁啱撞到，姜大衛即刻 同溫兆倫抄牌。

逛完街，一家三口打的返酒店。

樓市回調入市

在內地紮根的溫兆倫，搞房地產 及美容生意成功谷底翻身，現時 身家已經過億，生活富貴的 他，一家來港亦入住黃埔五星級酒店。
樓市回調入市 吸水吸到變發福大叔，日前溫兆倫同嫩妻就帶埋四歲女兒來港放暑假，走晒樣確 實難認，搵得到花錢也毫不手軟，一家人富貴入住黃埔五星級酒店，已經將紮根基地 移師內地的他，在國內揸名車，來香港則打的出入。日前一家三口到旺角勝利道逛街，原來係專登陪囡囡睇狗仔，對寶貝女錫到燶的他，即使女兒已經四歲，仍大部分 時間抱住個女行街睇嘢，對住前世情人表現冧爆，全程緊張湊女，反而老婆就比較他 條，不時自己揀嘢買，入到便利店更第一時間買了一本介紹新樓盤的雜誌，然後坐在 咖啡店不停鋤書，相信二人趁香港樓市下調揀定心水樓掃貨。講過話想每處地方都有 物業的溫兆倫，睇嚟北上翻身暴富，愛掃磚頭作風冇變，下次來港，可能已經有自己 香港的家，承他所言不用再住酒店！

在內地紮根的溫兆倫,搞房地產 及美容生意成功谷底翻身,現時 身家已經過億,生活富貴的 他,一家來港亦入住黃埔五星級酒店。

溫兆倫帶內地嫰妻同女兒來港放暑假，長居內地 的他，打扮亦好土豪，全日頸上都箍住個耳機做 裝飾！身旁的溫太，背囊亦是內地人追捧的 MCM粉紅系列，夫妻喜好襯到絕。

回酒店休息數小時後，黃昏時分，一家三口 離開酒店，到附近吃日本菜。

之後到連鎖藥房掃大堆成藥同日用品。

溫兆倫仲用手機影低產品再慢慢研究。

04年轉戰內地，溫兆倫不時發表愛國 論，14年接受央視 訪問時，更強調慶幸 「香港回歸」中 國，令他變成一個有國家的人。

攻內地成功翻身，近年溫兆倫經常參與公益慈善活動，賺到錢亦學識回饋社會，果然今時唔同往日。

經欠債纍纍的溫兆倫，發達後亦變得狂妄自大，曾在微博狂晒內地價要六百萬人仔的林寶堅尼，及二百多萬人仔先買到的Benz跑炫富。

買嘢期間，四歲Anna不停整爸爸頂帽，難得溫兆倫任由女兒搞 到頭髮亂晒都冇發火，還表現得冧滋滋。

超市掃完貨，一 家三口行去買麵 包，細心幫女兒 揀完麵包的溫兆 倫，離開時一手 湊住囡囡，另一 隻手又幫女兒攞 住飲品，慈父表 露無遺。

對住四歲寶貝女，溫兆倫變廿四孝 慈父，大部分時間都抱著女兒行街 睇嘢，仲抱埋女兒去廁所。

半生情債

女人緣旺的溫兆倫，先後有過三段婚姻，24歲已經同馬來西亞華僑李美玲結 婚，可惜婚姻僅維持四年，同身邊女人又不 停發生金錢轇轕，堪稱渣男始祖。 84年同年僅17歲的DJ李麗蕊拍拖，一年後分手，溫更以女方英文 名作了一首《我的Sara》。

86年 拍《城市故事》同女主角何美婷撻著，感情只維持兩年。

89年 事業剛起步，卻突然同馬來西亞華僑富家女李美玲結婚，可惜 婚姻只維持了四年， 於93年離婚時，溫兆 倫更反咬老婆不檢點而導致離婚收場。

93年 早於90年已跟陳梅馨拍MV傳 出緋聞，不過兩人一直否認， 直至93年溫兆倫跟第一任妻子離婚後，便火速公開同陳梅馨相戀，可惜感情都係唔長久， 分手後溫兆倫更無情向女方追討14萬掟煲費，雖然勝訴，賤男形象卻插水。

02年 因工作關係認識第二任妻子潘燕妮 （Winnie），二人於02年在澳洲秘密註冊結婚，有指兩人99年合資炒樓失利，溫兆倫一走了之，要女方獨力孭上巨債。

02年拍劇集《牛郎織女》以半個菠蘿包攻陷郭羨妮芳心，不過戀情亦見光死，有指郭羨妮難忍溫兆倫被討債而分手。

04年 同郭羨妮分手後，認識內地藝人溫嘉蓉，拍拖長達七年，不過， 12年溫嘉蓉就公開表示溫兆倫欠她50萬人仔，透過法庭追討，還自爆早在99年已發現溫兆倫出軌，還被他家暴。

13年49歲的溫兆倫，與年輕二十年內地女星趙庭結婚，15年誕下女兒溫柔美。

今時今日仲喺內地長做長有，都要多得當年幾套受歡迎劇集帶挈，89 及90年兩套巔峰作品《義不容情》及《我本善良》，至今仍被稱為神劇及 令人印象深刻。