《破毒強人》周一至五晚八點半翡翠臺播映，劇情電影感張力十足｜網民質疑陳豪毒王造型獲讚好型

自度失禁設計｜臥底身份敗露被打毒針 蕭正楠靠凍到震投入Overdose狀態
由羅永賢（Marco）監製、黃偉強編審的《大班冰皮月餅呈獻：破毒強人》，逢周一至五晚八點半翡翠台播映，主要演員包括陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等。
昨晚（7月31日）首集開播已張力十足，獲網民讚有電影感。劇集甫開始是全身被插滿針筒的葉浩天（蕭正楠飾），眼神既迷幻又空洞地躺在地上，配以蕭正楠獨白：「我望住我個靈魂一直向上飄，愈飄愈高」及鏡頭角度，甚有戲味。之後劇情以「一代毒王」文華（陳豪飾）為主線，集中交代角色人物及背景，時間點更不斷遊走於現在及過去，剪接及鋪排均見心思。昨晚劇情講述文華12年前因被最信任的手下（實為臥底）葉浩天出賣，過了多年牢獄生涯，獄中看似重新做人的文華，證實患上末期肺癌。同一時間，當年與文華並肩作戰的福田（蔣志光飾）看似過著平凡生活，但仍有染指毒品生意的他及後捲入毒品證物失竊案並引發連串風波，毒品調查科高級督察Jackie（張曦雯飾）下屬陳子波（韋家雄飾）為關鍵人物…劇集去到尾段再承接回劇集起點，原來當年葉浩天因臥底身份曝光，被文華施以打毒針酷刑…

蕭正楠受訪時透露為了昨晚Overdose一幕花盡心思，並直認深刻難忘：「當時傾咗好耐場戲應該點做、眼神應該係點，我覺得嗰時個人應該失禁，所以同導演講話加啲失禁嘅畫面，但原來倒濕晒條褲、瞓喺廠嘅地板度係好凍，因為嗰時係冬天、又吹住大冷氣，再加上我就算劇組執燈、執機位我都盡量唔郁瞓番喺個地度，個地板係凍到我不停打冷震。」蕭正楠續指就是這種「打冷震」狀態讓他更能投入角色：「反而我覺得正喎，我就係需要呢種感覺。啲工作人員問我使唔使畀啲暖手嘢我，我全部話唔使，仲話你由我震得啦，我自己一路震、一路震，變相roll機時就好易掌握到個狀態。」

昨晚可謂由頭帶到落尾的陳豪除了刻意將聲沙變沙啞、其角色是否真患上末期癌症亦引發熱議，不少網民懷疑肺癌只是文華獲取假釋手段。至於陳豪的造型、尤其是入獄前的造型則獲網民大讚好有型：「陳豪Close Up嗰吓，『你係差人呀？』，拍得好有型」、「阿Mo型到」、「個造型好有型」。至於與陳豪有不少對手
戲的張寶兒，則獲讚演技自然。除了首集劇情內容，片頭主題曲亦拍得相當有型有款，當中飾演貪錢章琳的胡定欣，不但肉緊地拿著銀紙在臉上亂舞，更躺在大堆銀紙上大擺S身形，相當吸睛。定欣受訪時亦坦言很滿意拍出來的效果：「完全突顯到章琳同金錢嘅關係，感覺像跟錢Make Love。金錢就係章琳嘅毒品，佢唯一想要同需要嘅就係金錢。拍攝過程都順利，最緊要有美感！」

圖片連結：

https://drive.google.com/drive/folders/1WWGXekN3nuqfqu_4_OQvsWUU1kHx7Sjo?usp=sharing
圖片說明：
01-03 呢個Opening都幾特別。
04-05a 陳豪呢幾個神情，加埋個造型，獲網民勁讚有型。
06 阿蕭個角色12年前後一樣好大對比。
07/07A 呢啲場口嘅排位，參與嘅演員事前都花咗唔少時間用心排練。

08-11 第一集嘅尾段，跳番去12年前解釋番葉Sir發生咩事。
12/13 陳豪曾經係「一代毒王」，仲可以聽銀紙聲添；入獄之後，佢變咗鍾意睇書。

14/15 喺劇入面同陳豪有唔少對手戲嘅張寶兒，獲讚演技自然。

16 文華講番之前點樣畀葉浩天出賣時眼泛淚光。

17-17B 佢喺劇入面仲有唔少金句，包括：「做人咁辛苦為咗咩？都係為咗有啖飯落肚。」
18/19 文華飲飲吓水突然嘔血，及後證實罹患末期肺癌。
20-22 蕭正楠劇中飾演「無感神探」，演繹時最大難度係唔可以有表情。
23/24張曦雯以短髮造型飾演Madam。

25/26 佢個角色之前同阿蕭係情侶，但已經分咗手。
27-30 蔣志光嘅角色都有好多面，喺屋企人面前，佢係好爸爸、好老公。
31-35 呢幕文華試探葉浩天，陳豪嘅表情演繹一樣好有型。
36-41 第一集已經有唔少緊張高潮位，包括葉浩天遭刀手圍剿，以及韋家雄身陷險境等。