黃浩然與妻恩愛17年 Kaka：有懷疑過係咪老千 大爆求婚感人過程

撰文：東方新地 ｜ 圖片：黃浩然Instagram、莫家嘉Instagram、《孤男寡女》電影截圖

二人相識前差點被安排「相睇」

Kaka在《公子會》透露早在2002年，當年與黃浩然在拍攝電影《新紮師妹》的片場中相識，黃浩然為演員，她就任職服裝指導，開工就走埋一齊。其實在工作上認識前，黃浩然先認識她舅父，舅父見她單身就想撮合二人認識，不過Kaka就覺得「唔好搞呢啲嘢」，斷然拒絕。

Kaka認為自己高攀不起

那時黃浩然又因拍攝電影《孤男寡女》中，Roger一角受外界注意，外表靚仔，前途無可限量。Kaka聽到要「相睇」，大爆當時拒絕原因︰「嘩，你唔好搞啦，我唔要呢啲嘢。（主持森美︰唔要呢啲嘢嘅意思係？）好驚你哋覺得好靚仔，我就更加驚，因為我覺得我高攀唔起啊。」後來，Kaka知道將與浩然合作《新紮師妹》時，她也坦言沒感覺，對「筍盤」也不為所動。

拍拖時好到以為是騙子

Kaka又爆當年跟黃浩然拍拖時對方的甜蜜行為，指他在拍拖期間的照顧，是無微不至到未曾遇過：「我有懷疑過佢係老千，好到咁！」Kaka回憶當年浩然在她工作得很累的一天，親手弄了一張卡，寫滿了自己的心聲，向她求婚，令她非常感動。可能是在軟弱的時候向她求婚，令她「喊到收唔到」，又說︰「望住隻戒指講唔到嘢喇」，相信是太感動了。

一家四口幸福熱鬧

轉眼結婚14年，Kaka為黃浩然先後誕下兩位兒子Kayden和Ransley，一家四口非常熱鬧。黃浩然曾患病時，身邊的Kaka對他不離不棄、一直為家庭全心全意付出，令黃浩然倍感珍惜。他說：「直到現在她仍然是以我和家庭行先，將我們放在第一位，自己則放在第二位，的確令我感到有點內疚。」經大病一役，黃浩然終於意識到不能只是工作，亦要保養好自己身體和與家人好好相處，所以一放假都會將時間留給家庭。