萬千星輝頒獎典禮｜最佳主持拍攝場刊 競爭激烈各有心水

黎諾懿 呢日就話自己睇好《聲夢傳奇2》嘅主持 森美 ，互戴高帽嘅佢哋除咗互讚靚仔之外，仲話各位都係非常強大嘅對手呀。而 林盛斌 無論主持《360秒人生課堂》，定係演出《美麗戰場》都有極佳評價，不過佢本人就話希望作品得到團體獎自己會更為開心呀。

至於以《通靈之王》入圍嘅 梁思浩 就話要多謝觀眾們嘅支持，仲有投過自己票嘅各位觀眾，仲希望得到節目獎呀。而 阮兆祥 今年憑《好聲好戲》入圍，佢就話要為其他候選男主持拉票，非常謙讓呀。

而女主持方面，今年以《遊走世界天與地》為香港觀眾帶嚟海外另一風貌嘅 黃翠如 ，就話入圍已經非常滿足喇，當晚仲會以出席Party心態出席，仲希望有機會可以同以《尋人記2》入圍嘅新聞部幽默金句王 方東昇 見面呀。

同時入圍最佳女配角同最佳女主持嘅 賴慰玲 就話自己冇諗過以《CP訓練營》入圍，因為佢認為自己似導師多過主持，仲話非常開心呀。

《東張》3女將 陳庭欣 朱凱婷 同 吳幸美 都同時入圍，佢哋就認為要多謝觀眾支持喇。而 肥媽 就以《煮．野食》入圍，佢就話希望可以同最佳拍檔 陸浩明 一齊得獎，咁就最開心咁話呀。

網民點睇？

希望亞Bob得獎!不但做司儀勁連做劇都勁!💪👍

期待頒獎典禮❤

最佳主持的確係好激烈，心目中都好多個，亞Bob啦，吳幸美，森美和翠如都OK