許廷鏗自資個唱回饋歌迷 感激鄧小巧除夕夜棄夫任嘉賓
2022年嘅最後一晚，Alfred許廷鏗就選擇同睇佢演唱會嘅歌迷一齊迎接2023，佢仲走近觀眾席同fans握手自拍，唱到興起嗰陣Alfred仲幾台上嘅波波踢落台，至於倒數環節，Alfred仲準備咗煙花送畀大家，佢事後接受訪問就講返，其實倒數位係花咗少少心思，當時佢刻意安排唱〈停半分鐘聽一闋歌〉呢首歌，喺唱到中段就突然間停低同家家一齊倒數，但就畀歌迷誤會咗佢唔記得倒數。
第一次開跨年騷嘅Alfred就話心情既興奮又緊張，加上倒數前喺耳機有好多人講嘢，例如提醒倒數時間等，Alfred話自己當時仲要扮震定唱歌。第一次自資開騷嘅Alfred，被問到兩場個唱回唔回到本？佢就話因為呢兩年歌迷支持咗佢好多，所以今次演唱會都係以一個回饋嘅形式，冇諗過回本問題。
呢晚Alfred同鄧小巧合唱嗰陣一度感觸哽咽，Alfred就話好感謝對方喺呢啲大時大節願意扔低老公做佢嘉賓，佢仲搞笑咁話因為自己識小巧先，所以值得對方喺除夕夜掉低老公。至於講到2023年嘅願望，佢話疫情、防疫嘅新聞都睇到好悶，希望疫情可以快啲完，加上近日身邊有嗰少朋友中招，所以Alfred都祝願大家可以身體健康呀！
網民點睇？
Alfred good show
撰文：OS編輯部圖片來源：Youtube@TVB娛樂新聞台
