輕．功｜踏入結局周劇情趨緊張 最後宣傳演員不捨好拍檔

活動見到佢哋全部打成一片，而佢哋就話拍攝之後大家都成為好朋友，Joman仲話最懷念拍攝時 韋家雄 通宵邊等埋位邊講鬼故，想瞓都唔敢瞓呀。

除咗向現場觀眾派小禮物之外， 周志康 鄭俊弘 同 麥皓兒 佢哋呢日仲喺現場為大家唱歌，其中就連韋家雄都有參與，唱功仲非常唔錯呀。呢位唔使瞓又成日講鬼故嘅好拍檔，仲被阿Fred大讚夠哂風趣幽默，有佢喺到一定冇悶場，成為大家嘅開心果呀。

有份客串演出之餘今次仲獻唱插曲，麥皓兒就話非常開心，仲要多謝監製信任自己呀。而阿康就讚呢位拍檔夠晒樂觀，佢哋仲即場研究合作Jam歌呀。

網民點睇？

支持祖曼黎耀祥龔慈恩還有姨媽姑姐鄭子誠做得非常有演技!祇有這劇由第一集開始吾出街我都追劇!好彩這劇是9時半做👍

<輕功>朱晨麗都表現不俗，演技夠平實，沒有任何誇張
<輕功>其實真係好好睇 越追越有戲味 親情友情都描寫得好好 希望結局周能升到20點或以上吧
其實真係幾好睇

韋家雄係一位實力派演員
希望TVB考慮揾佢同鄧智堅合作
拍一些家庭温馨小品劇！