馮允謙望運氣延續至2023 施匡翹唔介意同姚焯菲撞衫
今年因為防疫措施放寛，除夕倒數活動都多返，呢晚馮允謙、黃淑蔓、Nowhere Boys、安俊豪、蘇家欣等歌手，就嚟到中環街市唱歌兼同大家一齊倒數，令到現場氣氛相當熱鬧。
雖然Jay Fung嘅家人早前就已經返咗加拿大，淨低佢一個喺香港過年，但Jay過因為有公司同事同fans一齊過，所以自己完全嗰lonely呀。2022年可以話係大豐收嘅Jay，呢晚就話希望2023年可以持續個好運，嚟緊3月就會舉行演唱會嘅佢，就話而家忙住keep好自己嘅狀態，迎接佢嘅處男紅館演唱會呀！
呢晚嘅倒數活動，仲有喺青衣嘅滕麗名、施匡翹同歐瑞偉等同市民一齊迎接2023年，KC仲罕有大開金口獻唱，喺台下嘅歐太就聽到如癡如醉，KC訪問嗰陣被問到獻唱嘅歌係咪佢嘅飲歌嗰陣，秒變怕羞仔話畀人咁樣問好尷尬，搞到連喺佢隔離嘅滕麗名都忍嗰住笑。
雖然呢晚都幾凍，但係施匡翹依然以露腰小背心上陣，講到佢早前同Chantel姚焯菲喺一個頒獎禮上面撞衫，施匡翹就話唔太尷尬，仲話大家都着得靚就冇問題呀！
網民點睇？
见到kc 就想起韦家雄，想听韦家雄唱哥哥的歌，很好听
Chantel 著得靚好多好多好多….
撰文：OS編輯部圖片來源：Youtube@TVB娛樂新聞台
