靈戲逼人｜阮嘉敏四眼妹Look吸睛劉芷玲超長水袖引關注謝雪心耍雙劍技驚人
由王偉仁（Simon）監製、譚翠珊編審的《靈戲逼人》，逢周一至五晚 8 點半翡翠台播映，主要演員包括張振朗、龔嘉欣、劉穎鏇、阮浩棕、吳子冲、蔚雨芯、李成昌、江欣燕、謝雪心、阮嘉敏及魯振順等。
真實性格與角色相反
大膽起用不少新面孔的《靈戲逼人》，首周有兩名新生代女演員彈出，分別是飾演若琳的阮嘉敏 Mandy，及飾演中學生阿麗的劉芷玲（Sabrina）。憑《東張西望》入屋的 Mandy，今年先後憑《隱形戰隊》及《法言人》獲得關注。是次 Mandy 再獻突破，飾演「鵪鶉妹」若琳，並會與阿傑（吳子冲飾）發展戀情。前晚（6日）二人靈探場口，Mandy 完全演活「少女情懷總是詩」，再度引熱討：「扮鵪鶉幾得意」、「望住吳子冲個樣好甜」。談到四眼妹造型，Mandy 感激監製 Simon 設計相關造型，並謂為了營造樸素感，劇組花了不少心思：「監製導演想我怕醜啲，所以叫我化淡眼妝，又試咗好多副眼鏡。」談到真實性格，Mandy 笑言與角色相反：「本身我個人比較健談、開朗同主動，如果我鍾意個男仔，應該會想主動同佢傾計，唔會咁怕醜。」
劉芷玲角色關鍵多發揮
22 歲的 Sabrina 在劇中飾演中學生，獲網民讚「超 Baby Face」零違和：「個妹妹原來過廿歲」、「以為真係學生」。身為 2021 年藝訓班學員的 Sabrina，劇中飾演熱愛粵劇的小妹妹，更疑似是柳芳（龔嘉欣飾）著力尋找的雲哥（張振朗分飾）的孫女，角色關鍵之餘亦甚多發揮機會。昨晚阿麗的揈水袖場口便每個動作均有板有眼，就連曾為 1990 年代當紅粵劇花旦的謝雪心（心姐），也大讚 Sabrina 叻女：「長水袖係唔容易耍架，我都讚佢叻呀！」Sabrina 則透露拍攝前有上堂練習：「之前有一日由朝練到晚都喺度練基本功同水袖動作，到真正拍嗰日就有現場指導。但因為嗰個水袖真係太長，我失敗咗好多次先做到佢哋想要嘅效果。」她又謂自己零粵劇根底，相關經驗只是跳舞及唱流行曲，故開拍前壓力甚大：「都係一路拍一路學一路做。」
與李成昌鬥戲過足戲癮
而心姐昨晚一幕 50 秒的「耍雙劍」戲亦相當搶焦，熟練造手與別具魅力的面部表情讓人看得出神，名副其實寶刀未老。心姐受訪時透露其實是抵達現場後才
「有乜耍乜」，並感恩自小獲師傅栽培、練好功底：「當年一開始練功就每日刀槍劍都要練，有時櫻槍、雙刀、大刀，即係舞旦刀，呢個（場口）係雙劍，係另一種耍法。嗰時我哋練，就會今日練雙劍、聽日練舞旦刀，櫻槍就每日都打，因為要同人對打，雙劍就自己一個人耍。可能我底功練得耐啦，所以好好彩喺現場一拎起雙劍啲底功就返嚟喇，所以有付出努力練習過嘅嘢總唔會白費。」談到與昌哥在劇中經常鬥嘴，心姐笑言是「奇妙緣份」： 「真係好得意，之前我拍《巾幗3》成日跟住佢個角色，同呢套劇完全相反，絕對過足戲癮。」
