元旦喜事搶閘而來 靚湯馬明宣佈訂婚

佢哋同時Post咗一張有代表佢哋嘅馬仔同獨角獸公仔嘅相，而獨角獸隻角上面仲有一隻求婚鑽戒，之後行內嘅朋友就瘋湧祝賀佢哋終於又向前邁進一步，雖然佢哋之後回覆話求婚並非近日嘅事，亦都未有講到細節，不過靚湯就話過程非常之開心又感動喇。

早前佢哋已經逐漸露口風，指2023年可能就會去外地旅行結婚，而年底時又被搬屋公司不慎公開佢哋嘅愛巢，佢哋又襯到絕咁一齊現身去年台慶嘅紅地氈現場，令唔少人都一再追問佢哋幾時會結婚。

雖然已經確認訂婚，不過就未有公開婚期，而早前訪問嘅時候，佢哋都曾經講過心中嘅理想婚禮係點喇。

網民點睇？

太開心太感動啦！恭喜馬明靚湯永遠幸福快樂！❤

恭喜，恭喜!祝他们百年好合永结同心，早生贵子幸福滿满!

恭喜🎉！恭喜🥳馬明💞靚湯幸福快樂🎊👩‍❤️‍💋‍👨💒