黃日華58歲牛一與家人、波友分別慶祝囡囡黃芷晴封爸爸為「Best Man in The World」

Sep 5 2019

藝人黃日華（華哥）昨日（9 月4 ）與家人及波友分別慶祝58歲的生日！入行約近40年，時常飾演一些十分正氣角色，私下更是出名的好男人，不但陪伴癌妻抗病，亦曾為愛女黃芷晴而淡出幕前。

撰文：東方新地｜圖片來源：吳岱融微博、黃芷晴Facebook、節目截圖

黃日華與家人、波友分別慶祝58歲牛一

黃日華（華哥）是個足球愛好者，昨日如常與吳岱融、范振鋒、莫家淦、衛志豪等波友一同練波，練習完畢後，眾波友就即捧出蛋糕為「壽星公」黃日華慶祝。及後，華哥亦禮尚往來，即場大派利是。

愛女黃芷晴依照每年慣例，都會上載一張與爸爸黃日華的合照，而今年的蛋糕是個巨型「W」，不但留言：「Happy birthday dad」，還Hashtag封爸爸為「Best Man in The World」，相信華哥聽到，一定開心到見牙唔見眼。

黃日華被封「絕種好男人」

現年58歲嘅黃日華，當年同比佢大兩歲嘅梁潔華，同樣出身無綫藝訓班，1980年拍《京華春夢》認識，82年拍拖，曾因療為第三者介入而分手，期間黃日華先後同鄧萃雯、龔慈恩拍拖，但始終心繫梁潔華。二人88年復合並拉埋天窗，90年誕下女兒黃芷晴。

黃日華二人88年復合並拉埋天窗，90年誕下女兒黃芷晴。 — 二人88年復合並拉埋天窗，90年誕下女兒黃芷晴。

華哥除咗錫老婆之外，仲好錫個女芷晴，經常將阿女掛喺嘴邊，喺其他人面前不停大讚芷晴好乖女。早前芷晴病咗，華哥仲親自車愛女去睇醫生，係個廿四孝爸爸！哥除咗錫老婆之外，仲好錫個女芷晴

黃日華早前芷晴病咗，華哥仲親自車愛女去睇醫生 — 早前芷晴病咗，華哥仲親自車愛女去睇醫生

心甘命抵剝蝦

早前，黃日華還與愛女黃芷晴一同參加內地節目《女兒們的男朋友》，其中一集，黃芷晴大爆華哥喺屋企好體貼嘅一面，就係由細到大佢都會主動為家人剝蝦，只要當晚嘅餸菜有蝦，華哥都會出動！黃日華事後表示：「我覺得給他們服務是我的光榮」，真係超Sweet呀！

黃日華陳一天問芷晴華哥細個係咪都係咁樣餵佢食嘢 — 陳一天問芷晴華哥細個係咪都係咁樣餵佢食嘢

芷晴事後亦有喺社交平台上分享剝蝦一事，留言表示：「華哥就是控制不了的喜歡剝蝦的男人，有時候在家裡要跟他搶著剝蝦，我覺得每個人有不同的喜好，我也控制不了別人說什麼，但我就是敬佩他對家人的細心，他幫我們剝蝦，我幫他舀湯，這些細微的舉動其實可以讓對方覺得很溫暖」，真係睇見都覺得Sweet呀！

黃日華曾被埋怨不顧家

黃日華1980年開始進軍演藝圈，好快就已經上到一線小生位置，其後主演劇集《義不容情》，令華哥嘅人氣再度急升，每日都拍唔同嘅戲，工作十分忙碌。不過，華哥喺節目中透露，原來當時曾經畀太太埋怨冇時間留畀屋企，令到佢兩母女好似生活喺單親家庭一樣。

黃日華華哥當年每日都拍唔同嘅戲，就算囡囡出世都冇時間返屋企。工作十分忙碌 — 華哥當年每日都拍唔同嘅戲，就算囡囡出世都冇時間返屋企。工作十分忙碌

黃日華華哥喺節目中透露，原來當時曾經畀太太埋怨冇時間留畀屋企，令到佢兩母女好似生活喺單親家庭一樣。 — 華哥喺節目中透露，原來當時曾經畀太太埋怨冇時間留畀屋企，令到佢兩母女好似生活喺單親家庭一樣。

為妻女退隱娛圈

其後，華哥分配好自己的工作時間，更係事業高峰時退隱演藝圈，為的就係投放多啲時間陪屋企人，不要錯過囡囡每一個成長階段。華哥更指，工作只可以擁有一時，但家庭就係可以擁有一世，所以一定要好好處理家事。

黃日華華哥分配好自己嘅工作時間，為嘅就係投放多啲時間陪屋企人 — 華哥分配好自己嘅工作時間，為嘅就係投放多啲時間陪屋企人

黃日華華哥更指，工作只可以擁有一時，但家庭就係可以擁有一世，所以一定要好好處理家事。 — 華哥更指，工作只可以擁有一時，但家庭就係可以擁有一世，所以一定要好好處理家事。

華哥曾經表示：「以前工作很忙，很少照顧她，所以一直不太了解她的個性和需要，所以女兒從來沒有向我撒嬌，可能因為平常我說話不多，我不開口的時候樣子比較兇，所以她有點怕我。」其後，華哥放多咗時間喺屋企後，用咗7到8年時間陪個女，令到同阿女嘅關係變好，更話「我覺得我非常開心」，依家仲成日形影不離添！

黃日華華哥放多咗時間喺屋企後，用咗7到8年時間陪個女，令到同阿女嘅關係變好 — 華哥放多咗時間喺屋企後，用咗7到8年時間陪個女，令到同阿女嘅關係變好

認為老婆比囡囡重要

節目第一集，芷晴被問到華哥最愛嘅嘢係咩，芷晴先後答咗奶茶、足球、麵包同老婆。華哥其後答：「女兒沒得選，但老婆是自己選的，自己娶回來的，所以要結自己選擇的愛人最好的生活，好好愛她、保護她、疼她。如果女兒和老婆之間選擇，我覺得老婆比較重要一點。」華哥仲經常提醒自己要將老婆放第一位，真係一個絕種好男人！

黃日華芷晴被問到華哥最愛嘅嘢係咩，芷晴先後答咗奶茶、足球、麵包同老婆 — 芷晴被問到華哥最愛嘅嘢係咩，芷晴先後答咗奶茶、足球、麵包同老婆

1988年黃日華與太太婚前同拍劇集

黃日華太太梁潔華曾合作拍劇，除了80年《上海灘龍虎鬥》外，88年梁潔華同黃日華婚前，終於喺清裝劇《太平天國》再次一齊拍劇，但兩人並非演夫婦或情侶。

黃日華黃日華同梁潔華拍拖五年嚟一直恩愛，呢張含情對望相sweet到爆！ — 黃日華同梁潔華拍拖五年嚟一直恩愛，呢張含情對望相sweet到爆！

1988年拉埋天窗

1988年黃日華同梁潔華拉埋天窗手牽手走入人生另一階段，惜劉德華同苗僑偉因趕戲嚟唔到飲。

黃日華華哥着上同色系結婚禮服，絕對係華女心目中嘅白馬王子。 — 華哥着上同色系結婚禮服，絕對係華女心目中嘅白馬王子。

黃日華華女一身高貴銀白色婚紗，同樣係華哥心目中嘅白雪公主。 — 華女一身高貴銀白色婚紗，同樣係華哥心目中嘅白雪公主。

廿四小時貼身照顧太太

黃日華外表看似硬漢，但對住太太梁潔華卻是個溫柔體貼的好老公，2013年底梁潔華發現患上急性血癌，華哥給予太太信心和正能量，面對繁重工作又要廿四小時貼身照顧太太，治療過程艱辛，但夫婦同心安然度過。2015年梁潔華宣布戰勝血癌，不過打後五年就是康復觀察期，近年華哥不時拖住梁潔華公開露面，分享力抗血癌的經過。

黃日華黃日華早年貼身照顧太太，經常出入浸會醫院探梁潔華！ — 黃日華早年貼身照顧太太，經常出入浸會醫院探梁潔華！

黃日華治療過程艱辛，但夫婦同心安然度過。 — 治療過程艱辛，但夫婦同心安然度過。

黃日華 15年本刊記者見華哥與太太現身九龍城，當時梁潔華狀態非常好，笑臉迎人。 — 15年本刊記者見華哥與太太現身九龍城，當時梁潔華狀態非常好，笑臉迎人。

黃日華對於黃日華全天候照顧，當時梁潔華曾公開讚他是好老公：「佢試過朝早飛去第二度做嘢，夜晚嚟醫院問我有冇事，然後先至返屋企！我見到佢好辛苦，我好感動！冇咗佢都唔知點算！」 — 對於黃日華全天候照顧，當時梁潔華曾公開讚他是好老公：「佢試過朝早飛去第二度做嘢，夜晚嚟醫院問我有冇事，然後先至返屋企！我見到佢好辛苦，我好感動！冇咗佢都唔知點算！」

黃日華結婚36年，夫婦二人互相扶持，黃日華亦曾向太太深情剖白說：「我很感謝太太的堅強，願意勇敢面對這個病，我很榮幸成為她的丈夫，這麼多年來，她一直照顧我，也提點我改善缺點，令我長大成為更好的人。」 — 結婚36年，夫婦二人互相扶持，黃日華亦曾向太太深情剖白說：「我很感謝太太的堅強，願意勇敢面對這個病，我很榮幸成為她的丈夫，這麼多年來，她一直照顧我，也提點我改善缺點，令我長大成為更好的人。」

有傳梁潔華舊病復發

五年的觀察期未過，早前再有傳梁潔華舊病復發不時進出醫院，黃芷晴早前出席公開活動時否認，她說：「媽咪每星期會進行一至兩次定期檢查，因為佢嘅抵抗力較常人低，容易發燒感冒，所以依家冇嘢做喺屋企休息。」華哥回應太太情况時表示梁潔華的指數升了需要觀察，但沒有大礙。

黃日華黃芷晴早前出席公開活動時否認媽媽舊病復發。 — 黃芷晴早前出席公開活動時否認媽媽舊病復發。

外出避見人

雖然黃氏父女都否認傳聞，但事實上近大半年已不見梁潔華公開露面，熱愛粵劇藝術的她早前離奇缺席兩場有份搞的粵劇表演。上月初師傅文千歲為自傳舉行發布會，都是只由華哥代表出席。據知華哥向來報喜不報憂，佢寧願自己辛苦完，等太太真係好番晒先至出嚟講。聽聞最近佢哋都冇再住大埔比華利山別墅，因為嗰度依家好多藝人住，所以搬咗去另一個低密度屋苑，環境清靜啲等太太可以好好休養。