2023香港小姐競選｜終極面試結果將出爐AI元素ChatGPT出題魔鬼教練陳嘉容激親落選唔關我事
特備節目《康活健全效逆齡三合一呈獻：2023 香港小姐競選 終極面試》，明晚（9 日）9 點翡翠台播映最後一集。22 位晉級準佳麗將繼續接受總經理（節目內容營運）曾志偉率領的評審團嚴格考核，成員包括助理總經理（藝員管理及發展）樂易玲、籌委會統籌經理何小慧及籌委會形象監督陳惠英等，今集將有 4 名參賽者會被淘汰，成功晉級的準佳麗將會出發越南拍攝外景。節目由陸浩明（6 號）擔任主持。
曾志偉：好犀利，可以完全答咗另外一樣嘢！
今集 22 位準佳麗率先接受口才挑戰，由於今屆加入 AI 元素，除考驗準佳麗的問題全來自 ChatGPT 外，為 2023 香港小姐擔任競選項目顧問的大數據專家車品覺，亦會在節目中分享使用 ChatGPT 心得。由 ChatGPT 得出的問題包括：「如果
你有一百個檸檬，你會點做？」、「如果外星人嚟到地球，你會點樣同佢解釋地球人嘅自拍文化？」、「如果當選港姐冠軍可以成為超級英雄，超能力係可以長時間張開對眼，你會點運用呢種能力拯救地球？」、「如何向外國人推介絲襪奶茶？」等，有準佳麗急智十足答得有紋有路，但亦有人被指答非所問，志偉笑言：「好犀利，佢可以完全答咗另外一樣嘢！」
除口才挑戰，22 位準佳麗還接受了口才、化妝及 Catwalk 訓練。口才訓練由師姐馮盈盈及林盛斌（Bob）擔任導師，當阿 Bob 邀請黃泳嘉做示範時，她竟突然緊張淚崩，令其他準佳麗亦被感染喊埋一份，現場即時變成淚海，一班準佳麗摟作一團互相安慰。化妝訓練則由有「大哥賢」之稱的著名化妝師雷淑賢擔任導師，大哥賢一出場就霸氣十足，更下令準佳麗拆掉假眼睫毛，她說：「好似『葵花寶典』咁，搶晒你個樣，唔係長同密就係靚！」
Catwalk 訓練則由名模陳嘉容擔任導師，嘉容對著一班準佳麗極為嚴格，其中鄧凱文表現不合格行到「操兵咁款」，遭嘉容下令行到合格為止，嘉容更爆出一句：「記唔記腳踭落地先呀，我最後一次講架喇，落選唔關我事！」訓練期間發生小插曲，郭珮文因遲到激嬲嘉容，嘉容不客氣謂：「你又遲到喎，點解唔早啲出門口呀？」完成以上三個訓練後，22 位準佳麗將接受終極考驗決定邊個眾望所歸、有得留低！
