中年好聲音2｜15強+中1+2助力賽｜魔人二重唱+驚人合拍
撰文、圖片：東方新地
緋聞女王陳瀅齋玩唔開工 轉投邵氏終於有劇拍
年中一半時間傳吓緋聞又澄清吓，另一半時間就係約埋班圈中閨密遊山玩水晒吓水 著，唔知真係以為陳瀅冇工開好得閒㖭！嚴正聲明，陳瀅係有工開嘅！去年開始由無綫轉投邵氏旗下，邵氏其實咪又係無綫，家陣陳瀅就為新劇《伙記辦大事》開緊工。
家境富裕生活無憂 30歲女未定性
身為第二女主角，陳瀅日前去到九龍灣拍外景，現場最主要演員就係佢，拍完一場即浩浩蕩蕩帶住大隊工作人員回到基地變裝換衫，轉個造型又再趕拍下一場。雖然家境富裕唔使憂柴憂米，但話晒都30歲大個女，間唔中都應該要專心做吓嘢平衡生活！
