30歲蔣家旻暗撻蔡思貝40歲舊愛街頭捧花做最佳女朋友

Aug 16 2021

做《愛 •回家》馬子妮入晒屋的蔣家，大家最深印象可能是她與哎吔阿哥羅天宇的緋聞，其實女神從不愁寂寞，除羅天宇外，至少換畫三次，近期更秘撻姣精蔡思貝舊愛麥秋成，不足三個月已將細十年的蔣家馴得貼貼服服。

撰文、圖片：東方新地

蔣家旻感情生活比事業精彩與羅天宇傳足幾年

滿30歲的蔣家旻，曾憑《愛•回家》乖乖女馬子妮，以及《天與地》的嫩版阿佘葉梓恩大受歡迎，一度人氣急升，成為無綫力捧小花，不過，近年後勁不繼，反而感情生活比事業更多姿多釆，入行第一個男友是新人朱敏瀚，不過好快就撇甩奀星，同哎吔阿哥羅天宇傳緋聞，近年更轉口味轉媾老闆仔，先後同網台DJ兼開有製作公司的Martin拍拖，分手後又緊接同搞婚禮統籌公司的老闆Nic相戀，可惜，戀情冇個長過兩年，全部都係冇米粥！近期自認單身的她，原來已經有愛情滋潤，新歡是《狂舞派》舞蹈總監麥秋成。

30歲蔣家旻暗撻蔡思貝舊愛 plt 除咗入行第一個圈中男友朱敏瀚， 12 年同拍《愛 • 回家》劇中做阿哥的羅天宇傳緋聞，今年五月，蔣家旻到日本短期留學，又在當地遇到羅天宇，被指再續前緣！ — 除咗入行第一個圈中男友朱敏瀚， 12 年同拍《愛 • 回家》劇中做阿哥的羅天宇傳緋聞，今年五月，蔣家旻到日本短期留學，又在當地遇到羅天宇，被指再續前緣！

30歲蔣家旻暗撻蔡思貝舊愛 plt 自稱單身嘅蔣家旻，話暫時當朋友個兩歲囝囝係男朋友喎！ — 自稱單身嘅蔣家旻，話暫時當朋友個兩歲囝囝係男朋友喎！

跟蔡思貝40歲舊愛麥秋成學舞即變小粉絲

原來，蔣家旻自17年底拍完綜藝節目《馬家過聖誕》，在韓國學過一堂舞後，返港便舞癮大發，透過朋友介紹跟排舞師麥秋成學舞，對大隻有型，曾是陳偉霆、鍾舒漫御用排舞師的麥秋成相當著迷，好快就被對方舞技降服。據知情者透露：「Angel（蔣家旻）細個學過芭蕾舞，但入行之後，對跳舞興趣已經唔係咁大，不過，17年底，佢同黎諾懿、羅天宇去韓國拍《馬家過聖誕》，跟諾懿一齊學咗堂舞，之後佢就跳到上咗癮，返香港學咗一輪中國舞，最近就跟麥秋成學跳舞，本身Angel就好鍾意啲有才華嘅人，之前同婚紗統籌公司老闆Nic拍拖，都係覺得對方有頭腦，咁麥秋成跳舞咁厲害，佢直頭變小粉絲，學咗幾堂已經對男方好傾慕，加上麥秋成對Angel教舞又特別細心，兩個好快已經撻著。」

30歲蔣家旻暗撻蔡思貝舊愛 plt 練得一身好舞功， 40歲的麥秋成，15年就曾撻著TVB姣花蔡思貝，當年蔡思貝更被拍到同麥秋成同居西貢。 — 練得一身好舞功， 40歲的麥秋成，15年就曾撻著TVB姣花蔡思貝，當年蔡思貝更被拍到同麥秋成同居西貢。

30歲蔣家旻暗撻蔡思貝舊愛 plt 忽然愛上跳舞的蔣家旻，年中因學舞撻著麥秋成，將戀情密冚三個月，近期就按捺不住愛火。 — 忽然愛上跳舞的蔣家旻，年中因學舞撻著麥秋成，將戀情密冚三個月，近期就按捺不住愛火。

30歲蔣家旻暗撻蔡思貝舊愛 plt 不時在個人社交網大晒二人練舞短片，又瞇晒眼冧爆同男方合照，雖然口裡叫麥秋成做老師，但表現卻明顯甜入心！ — 不時在個人社交網大晒二人練舞短片，又瞇晒眼冧爆同男方合照，雖然口裡叫麥秋成做老師，但表現卻明顯甜入心！

男方唔肯公開蔣家旻諗盡辦法箍實舞壇筍盤

現年40歲的麥秋成，雖然知名度不及蔣家旻，但在香港舞壇就無人不識，除咗舞技精湛，更開有舞蹈學校，絕對是舞壇筍盤，身邊除咗女Dancers氹氹轉外，更是小花殺手，試過同樣因為教跳舞撻著姣花蔡思貝，今次又因教蔣家旻跳舞跳出愛火，相當好艷福。雖然學舞撻著3個月，不過，男方之前試過戀蔡思貝時新聞多多，今次再戀娛圈小花亦有壓力，所以一直唔肯公開戀情，蔣家旻亦只好配合將戀情密封，不過為箍舞壇筍盤，她近期亦撳唔住愛火，經常在IG晒出跟麥秋成學舞短片，同麥秋成合照時又一副冧到入心表情。

30歲蔣家旻暗撻蔡思貝舊愛 plt 同圈外開婚禮統籌公司老闆Nic分手後，蔣家旻近年便以單身自居，早前更大晒同小朋友咀嘴相，指對方先係佢男朋友，繼續扮單身。 — 同圈外開婚禮統籌公司老闆Nic分手後，蔣家旻近年便以單身自居，早前更大晒同小朋友咀嘴相，指對方先係佢男朋友，繼續扮單身。

30歲蔣家旻暗撻蔡思貝舊愛 plt 至於感情生活同樣不缺的麥秋成，亦經常晒一支公抱狗及陪父母相，突顯單身生活。 — 至於感情生活同樣不缺的麥秋成，亦經常晒一支公抱狗及陪父母相，突顯單身生活。

據知情者透露：「做排舞師身邊梗係多女氹氹轉，不過，Angel好進擊，成日會主動約男方，等其他女埋唔到身，近排喺無綫工作唔算好忙嘅佢，相對麥秋成排舞時間密麻麻，為多見男友，佢成日黐實跟男友學舞，又check實麥秋成啲教舞時間，就算男友話排舞開會好忙，預唔到時間出嚟，佢都唔介意等收工，閒閒地等個幾鐘都面不改容，真係好冧條仔！

30歲蔣家旻暗撻蔡思貝舊愛 plt 一個人山長水遠去大圍一間Cafe，原來又係為等男友收工，撐枱腳期間心情靚絕，不時對住男友甜笑，填飽肚更加由她埋單，之後蔣家旻就刻意戴上口罩，同戴著Cap帽的麥秋成一齊去停車場攞車，兩人全程冇親密舉動，更刻意各自駕車前後腳返回麥秋成位於西貢的村屋寓所度春宵。 — 一個人山長水遠去大圍一間Cafe，原來又係為等男友收工，撐枱腳期間心情靚絕，不時對住男友甜笑，填飽肚更加由她埋單，之後蔣家旻就刻意戴上口罩，同戴著Cap帽的麥秋成一齊去停車場攞車，兩人全程冇親密舉動，更刻意各自駕車前後腳返回麥秋成位於西貢的村屋寓所度春宵。

街頭捧花勁狼狽做閨密「最佳女朋友」

不過蔣家旻都不失為「最佳女朋友」，因為佢對身邊班閨密的確唔錯！日前見到蔣家旻手忙腳亂一袋二袋現身銅鑼灣街頭，一大紮鮮花、一袋餐具、一袋禮物都未夠，最繁忙時間仲要電話響完又響聽完又聽。因乜事咁大工程咁多嘢安排？對番紮花，原來成班閨密幫朱千雪慶祝生日，蔣家旻除咗買禮物，仲要負責壽星女紮賀壽鮮花囉！係就係辛苦啲忙亂啲，不過見到壽星女笑得甜，乜都抵番晒！