31歲前港姐許亦妮爆乳拍孕照 自爆未生已驚囡囡會嫁去外國

撰文、圖片：東方新地

許亦妮性感孕照曝光坐老公大髀攬到實

許亦妮（現名許芷熒）與圈外男友Alex Fung婚後不足1個月宣布有喜，現時陀B近7個月，同時下大肚婆一樣，許亦妮日前挺巨肚影孕照留念，著上喱士內衣爆乳登場，性感誘人！ 許亦妮喺IG大晒孕照，除咗腹中B女，老公Alex亦有現身，見許亦妮坐上老公大髀攬到實，老公Alex又輕吻巨肚，畫面溫馨。

未生已變緊張媽媽擔心囡囡會嫁去外地

許亦妮自爆未婚前常幻想生BB會有妊娠紋，會變肥，但陀B後就覺 得一切要以BB健康行先，唔會再擔心自己走樣，反而開始擔心個女將來會否嫁到外地、青春期反叛等問題，覺得自己變咗緊張媽媽！緊張還緊張，唔好變做怪獸家長就得嘞！