35歲羅鈞滿北漂失敗未有工開 回流返港有北方同胞味

撰文、圖片：東方新地

羅鈞滿北上闖蕩未如理想回流返港無工開

2016年約滿無綫北上闖蕩，3年來羅鈞滿都拍過幾套內地劇同網絡電影，可惜回響不如預期，原來人仔都唔係想像中咁易賺。好彩兜兜轉轉上月宣布簽約邵氏成為旗 下藝人，不過就未見佢有新工作動向公布住，除咗遊山玩水接連出埠旅行，仲見到佢好得閒咁一支公喺尖沙咀出現。

北上浸淫3年 35歲仔現北方同胞味

35歲仔，北上一輪佬味重咗，腋下挾住個袋帶點北方同胞味，著上白色上衣襯睡褲款間條長褲，但又無喇喇搭對啡色牛津皮鞋。呢身造型嚟講，只能夠講句，fashion嘅嘢八姨太識條鐵咩？