36歲鄧麗欣為黐王子移船就磡台灣飲品店生意蝕入肉

Aug 16 2021

為愛可以去到幾盡？36歲鄧麗欣（Stephy)就甘為男友王子(邱勝翊)移船就磡，不單密飛台灣會愛郎，早排又密密到當地睇樓計劃置業築愛巢，去年首度投資搞飲品生意，都專登揀在男友地頭台北開業，在信義區開設首間飲品旗艦店「一口吖吖」，躊躇滿志做飲品天后，更揚言希望分店開遍全台灣，可惜一年下來，飲品店生意不似預期，個個月蝕錢，為求止蝕，信義區旗艦店上月已關門大吉，不過，Stephy唔想放棄，寧願大舖搬細舖慳租金，為黐男友蝕住做！

圖文：東方新地

鄧麗欣脫離方力申後，Stephy戲路同演技都大躍進，即使同王子拍拖甜如蜜，Stephy事業心依然重，除了想拍到電影代表作。(圖片來源:test) — 脫離方力申後，Stephy戲路同演技都大躍進，即使同王子拍拖甜如蜜，Stephy事業心依然重，除了想拍到電影代表作。(圖片來源:test)

台灣搞生意為見多男友幾面

得應采兒牽紅線，同方力申甩拖兩年的Stephy，去年初同棒棒堂成員王子(邱勝翊)擦出愛火，拍拖以來愛得如膠似漆，經常在社交網互動放閃，為拉近LongD愛情，Stephy去年更在台灣大搞飲品生意，爭取機會多見男友。

鄧麗欣為名正言順多到台灣見男友，去年十月 Stephy在台北投資開設飲品店，新店開張日，更專登飛台舉行開幕禮，為生意大肆宣傳。(圖片來源:test) — 為名正言順多到台灣見男友，去年十月 Stephy在台北投資開設飲品店，新店開張日，更專登飛台舉行開幕禮，為生意大肆宣傳。(圖片來源:test)

搵番初戀嘅感覺當正台灣係第二個家

據知情者透露：「同王子一齊之後，Stephy好似搵番初戀感覺咁，對呢段感情好投入，為咗男友，已經當正台灣係佢第二個家，成日讚台灣生活夠自在舒適，不知幾嚮往喺嗰邊生活，為咗黐實男友，仲揀喺台灣搞飲品生意，雖然身邊朋友都有勸佢，話台灣始終唔係自己地方，遙控生意會比較蝕底，但佢為咗愛情變得好盲目，朋友啲勸告都聽唔入耳，上年喺台北如中環地段的信義區正式開咗第一間飲品店，嗰度啲租好貴，但Stephy好有信心，仲話要連鎖式經營，不停睇地方想再開分店！」

鄧麗欣去年十月同男友一齊出席米蘭時裝周，首次飛歐洲的王子心情相當興奮。(圖片來源:test) — 去年十月同男友一齊出席米蘭時裝周，首次飛歐洲的王子心情相當興奮。(圖片來源:test)

鄧麗欣自去年7月公開戀情，Stephy同王子就不停在社交網互動放閃– 早前 Stephy生日，王子就貼出女友背影送祝福，Stephy 仲留言多謝，網友都畀佢哋閃親！(圖片來源:test) — 自去年7月公開戀情，Stephy同王子就不停在社交網互動放閃– 早前 Stephy生日，王子就貼出女友背影送祝福，Stephy 仲留言多謝，網友都畀佢哋閃親！(圖片來源:test)

貴租搞生意觸礁撤離豪宅區

不過，生意投資一年不但歸唔到本，更長期蝕錢，上月旗艦店更難頂貴租結業。據知情者透露:「旗艦店開喺商業區嘅地舖，周六同周日幾乎冇生意，台灣手搖飲品業向來競爭大，Stephy飲品嘅價錢唔平又冇乜大特色，平日生意都係麻麻，差不多個個月都蝕錢，為咗唔想長遠蝕落去，間舖上月已經停業，不過，Stephy始終唔想放棄呢盤生意，認為之前可能揀錯地方，依家改咗去中山區誠品入面嘅foodcourt繼續做，嗰度舖租平一大截，人流又多啲，佢希望守多一年再睇吓反應先！」