RubberBand跨年音樂派對 6號身體抱恙擔心影響表現

RubberBand今年開咗唔少騷，主音6號、低音結他手阿偉以及鼓手泥鯭透露下年工作計劃，1月2號有演出、月內將推出新EP、3月赴歐洲暫家開四站騷，前往英國、荷蘭同德國等，結他手阿正呢晚未有現身，原來佢去北海道旅行仍未回港，阿偉坦言要開騷當日先知阿正係咪出席下周一嘅演出，佢哋希望齊人演出，泥鯭稱Plan B就係準備一張飛或線上直播演出畀阿正睇。

泥鯭爆料主音6號最近身體唔舒服，原來6號喺12月22號開始覺得個肚唔舒服，而且天氣又忽冷忽熱，令6號病埋，佢希望捱到演出，要參考秘方同睇中醫，6號同泥鯭對2022過去一年覺得好滿意，喺疫情後順利開騷，又完成泰國錄音之旅，真係過咗充實嘅一年，阿偉指2022年有疫症同打仗，今年好多朋友離開呢個城市，希望個世界會變好啲。