StarTalk｜肥媽黑妹過年高歌賀歲 細數幾十年心中情
兩大巨肺 肥媽 同 李麗霞 合作嘅演唱會，由舊年3月受疫情影響，將會延期到農曆新年舉行，呢日佢哋兩位一齊接受 王鎮泉 喺《StarTalk》專訪，就開玩笑見噏仲多過宣傳演唱，肥媽仲落力為黑妹招親，大數佢嘅優點呀。
近日正為《中年好聲音》擔任評判嘅肥媽，又分享佢見證各位參賽者心中嘅勇氣，鏡頭後仲有唔少小故事，好似參賽者嘅家人對佢哋嘅支持，就令佢充份感受到家庭嘅溫暖喇。一講到支持，囡囡葉穎秋有份參賽嘅黑妹，就原來係因為怕女兒步自己辛苦嘅後塵，所以先唔太支持囡囡參賽喇。
相識幾十年嘅佢哋對話直接狠辣，而原來佢哋嘅相識就係緣自一個電話，兩人惺惺相識轉眼幾十年，仲成為最知心嘅好朋友甚至相互影響。由唔肯打高爾夫到陪老公周遊列國，亦由從不入廚到煮到幾味，肥媽黑妹由歌唱到人生，呢日一一細數。
網民點睇？
30+年前响尖沙咀cantoon disco見到肥媽同史泰龍，史泰龍身邊有兩三個保鏢
個個都大隻過史泰龍
十分震撼！
當時我仲係小鮮肉
我同肥媽講我買左佢隻唱片
佢gave me a thumb up多謝
眨下眼幾十年過去
我都已經變咗大叔啦
新年節目两位现场炒過黄金蝦球金沙炒飯😂派现场观众再高歌表演！！
有實力，而且又識搞氣氛 👍🏻
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
