蕭正楠1月6號開騷 黃翠如唔敢做嘉賓怕趕客
黃翠如呢日以fit爆身型為品牌拍廣告，透露出埠工作患腸胃炎急跌7磅，翠如解釋拍旅遊節目《遊走世界天與地》到敘利亞嗰陣，整個團隊都變瘦，當地人亦好nice有請佢哋食嘢，大家又患腸胃炎，嗰陣感覺整個人好虛弱，之後每日調理身體同跑步，佢先有信心再接工作。
翠如回想拍旅遊節目時，導演喺摩爾多瓦覺得唔舒服要入院，當時拍攝有一日係得3個人，佢又指《遊走世界天與地》反應不俗，佢暫時主力做旅遊節目，佢將組姊妹旅行團，暫時要先夾到檔期，而另一個就係去南美同非洲拍旅遊節目，要等公司安排幾時出發。
翠如之前同老公蕭正楠一齊去旅行，蕭正楠將於1月6號開騷，目前忙於籌備演唱會，翠如見老公有啲壓力：「佢每日好勤力，因為佢錄咗新歌、又要拍MV，佢哋3個又有新歌，好多嘢準備，我見佢有啲壓力，(會唔會請你做嘉賓？)到時我都一定會去，唔知大家會唔會一聽我唱歌就走晒，我唔係唱歌嘅人，到時一定喺後台打點。」
＃黃翠如 ＃遊走世界天與地 ＃蕭正楠 ＃HEAtogether
網民點睇？
去完第三世界之後就出事。
1🔟㊗️🈴💐🥚🍗🥩🍝🎂⚽🏆🍔🍟🇭🇰💯⭐🅰️🅱️🅾️🏀🍚🍜🕗😀👍👏💐
丐久冇生B啊丶翠如冇乜肉
撰文：東方新地圖片來源：Youtube@TVB娛樂新聞台資料或影片來源：Youtube@TVB娛樂新聞台
